ePrevencion
introduccion

Munduan, jendea badoa eta badator. Aireportu batera, autobus edo tren geltoki batera bagoaz, jende asko eta asko ikus dezakegu maletekin, munduan barna mugitzeko prest. Kasu batzuetan, oporrez gozatzeko da, eta, beste batzuetan, berriz, bizilekuz aldatuko den jendea da. Batzuetan, jendea bere herritik kilometro gutxira dagoen beste leku batera doa bizitzen, baina, beste zenbaitetan, kontinentez aldatzen da, jaioterria ez den oso hiri ezberdinetara bizitzen joateko.

Zer gertatzen da leku berri horretara heltzen direnean? Zer iritzi du herrialde berriko jendeak eurei buruz?

Askotan gertatzen da etorkinei buruz pentsatzen duguna ez datorrela bat errealitatearekin, baina, hala ere, horrela izango balitz bezala jarduten dugu. Horrela, bada, mitoak deritzogunak sortzen dira. Oraingo honetan, gure herriko etorkinen inguruan dauden mitoak aztertuko ditugu, errealitatea ezagutzeko.

 

tareas

ZER ESATEN DA ETORKINEI BURUZ?

Lan hau egiteko, 3 lan-talde sortuko dira. Lan-taldeetako bakoitzak ondoren proposatzen diren mitoetako bat aztertzeko ardura izango du:

  1. Gure lana kentzen digute!
  2. Gure osasun sistemaz eta gizarte-laguntzez aprobetxatzen dira!
  3. Gure ikastetxeetako hezkuntza maila jaisten dute!

Taldeetako bakoitzak mito hori ezeztatzeko beharrezkoa den informazioa bildu behar duzue. Hau da, errealitatearekin bat ez datorren esaldia arrazoitzen duen informazioa bilatu beharko duzue.

“Baliabideak” atalean, beharrezko informazioa duten zenbait lotura aurkituko dituzue. Zuen iritziz garrantzitsuenak diren datuak atera, eta idatz itzazue testu batean https://docs.google.com/ erabiliz, taldeko pertsona guztiek dokumentu hori parteka dezazuen.

tiempo   Iraupena: Ordu 1

UMOREZ KONTATU

Informazioa argi baldin baduzue, gainerakoei jakinarazteko unea heldu da. Nola egin dezakegu? Umorea komunikatzeko modu ona izaten da beti; erakargarria eta atsegina da, eta egoera latzak kontatzen laguntzen du. Lan proposamena umorezko zenbait bineta egitea izango da; bineta horiek mitoa erakutsi eta deuseztatuko dute. Lan hau egiten duzuenean, ohartuko zarete ez dela batere erraza. Horregatik, eta inspirazio modura, "Baliabideak” atalean marrazkilari ezagunen adibideak aurkituko dituzue, izan ere, euren lanak edukiz josita daude.

Talde bakoitzak nahi beste bineta komiko egin ahal izango ditu. Egingo duzuenaren gaineko ideia daukazuenean, erabil ezazue "Baliabideak" atalean bineta komikoa sortzeko eskaintzen zaizuen aplikazioa.

tiempo   Iraupena: 2 ordu

PARTEKATU

Dagoeneko badaukazue lana prest gainerakoei erakusteko. Bineta komikoak inprimatu ditzakezue edota posta elektronikoaren bitartez gainerakoei bidali, ikus ditzaten. Garrantzitsua da gainerako taldeen lana ikustea, izan ere, eurek landutako mitoen gainekoa erakutsiko dizute. Beste mitoen edukiari buruz zerbait ulertzen ez baduzue, eskatu talde horretako kideei azaltzeko.

tiempo   Iraupena: Ordu 1

HAUSNARKETA INDIBIDUALA

200 hitz baino gutxiago erabiliz, kontatu ezazu etorkinekin erlazionatutako 3 mitoen gainean ikasitakoa.

tiempo   Iraupena: Ordu 1

 

recursos

ZER ESATEN DA ETORKINEI BURUZ?

Gure lana kentzen digute!

rrhhmagazine.com/...   www.publico.es/...   Ikus V. kapitulua
www.cruzrojamadrid.org/...        

Gure osasun sistemaz eta gizarte-laguntzez aprobetxatzen dira!

pobrezacero.wordpress/...   www.elmundo.es/...   www.publico.es/...
www.cruzrojamadrid.org/...   www.abc.es/...   www.elcorreo.com/...

Gure ikastetxeetako hezkuntza maila jaisten dute!

www.cruzrojamadrid.org/...   www.rtve.es/...   mareaverdemadrid.blogspot.com/...
www.realinstitutoelcano.org/...        

UMOREZ KONTATU

Inspirazioa | Quino   Inspirazioa | Frato   Bineta komikoa egiteko online aplikazioa

 

evaluacion

Ataza hauek ebaluatuko dira:

  • Taldekako 1. dokumentua: testu-dokumentua, bildutako informazioarekin.
  • Taldekako 2. dokumentua: bineta komikoa.
  • 1. dokumentu indibiduala: hausnarketa indibiduala.

Ebaluazio honetarako, puntu hauek hartuko dira kontuan:

  • Gaiaren ulermena.
  • Egindako hausnarketak.
  • Hizkuntzaren erabilera ona (puntuazio-zeinuen erabilera, erabilitako hitzen aukeraketa zuzena, ortografia).
  • Argumentazioen argitasuna.
  • Denboraren erabilera lan bakoitzean.
  • Talde-lana.